Azərbaycan Amerikanın tanınmış “The Heritage Foundation” analitik mərkəzinin tərtib etdiyi 2019-cu il üzrə İqtisadi Azadlıq İndeksində 7 pillə irəliləyərək mövqeyini xeyli yaxşılaşdırıb. 

“AzEuroNews.com” “Trend”ə istinadən xəbər verir ki, yeni tərtib olunan indeksdə Azərbaycan 65,4 bal toplamaqla (il üzrə 1.1 bal daha yaxşı) 180 ölkə arasında 60-cı yeri tutub.

İndeksdə bildirilir ki, Azərbaycan “əmlak hüququ”, “investisiya azadlığı”, “dövlət xərcləri” , “məhkəmə sisteminin effektivliyi” və “hökumət bütövlüyü” kimi kateqoriyalar üzrə mövqelərini yaxşılaşdırıb.

Qeyd edək ki, Qazaxıstan reytinqin 59-cu pilləsində, Türkiyə 69-cu, Qırğızıstan – 79-cu, Rusiya – 98-ci, Belarus – 104-cü, Tacikistan – 122-ci, Özbəkistan – 140-cı, Ukrayna – 147-ci, Türkmənistan isə 164-cü pilləsində qərarlaşıb.