Bir neçə gün öncə müğənni Əli Mirəliyevin “Səhər-səhər” proqramında mərhum xalq artisti Şövkət Ələkbərovanın məzarını ziyarət etdiyi kadrlar yayımlanmışdı.

Axşam.az xəbər verir ki, kadrlarda Mirəliyevin Şövkət Ələkbərovaya “Şöşü” deyə müracəit etməsi qalmaqala səbəb olub.

Belə ki, sosial şəbəkədə Əli Mirəliyev təndiq hədəfinə çevirilib. Prodüser Tarix Əliyev də məsələyə biganə qalmayıb. O, “Hər şey daxil”də Mirəliyevi tənqid edib.

“Şövkət xanımın qəbrinə durub “Şöşü” demək nə dərəcədə düzgündür? Təklikdə kiməsə nəsə demək olar, amma kamera qarşısında yanlışdır. Başa düşürəm Əli müəllim ürəyini açıb. Lakin bir sənətkarı efirdə bu cür adlandırması anlaşılmır. Sosial şəbəkədə də tənqid edildi, ələ salındı. Biri yazırdı yox bir, Moşu…”

Sözügedən kadrları təqdim edirik: