Fərhad Çağtürk / AzEuroNews.com   İsveçrənin Cenevrə kantonunda dini simvollarla çalışmaq qadağan edilib. AzEuroNews.com xəbər verir ki, keçirilən referendumla qanuna edilən dəyişiklik təsdiqlənib. Əslində bu qərar Cenevrə kantonu parlamentində keçən ilin aprel ayında qəbul edilib. Lakin həmin vaxt müxalifət və vətəndaş cəmiyyətinin nümayədələri qərara qarşı çıxmışdılar. Belə bir şeyin yalnız referendumla edilə biləcəyini söyləyən müxalifət tez bir zamanda 8 mindən çox imza topalayaraq qərarın icrasını dayanırmağa nail olmuşdu.

Nəhayət ötən gün keçirilən referendumda səs verənlərin çoxu dini simvollar: xaç, hicab, kippa kimi dini simvolizə edən əşyalardan istifadə edərək çalışmağın əleyhinə olduqlarını bildiriblər.