Rusiyanın Sverdlovsk əyalətinə yeni polis rəisi təyinatı olacaq. Yeni rəisin Daxili İşlər Şöbəsinin Moskvanın Cənub inzibati idarəsi üzrə hazırkı rəhbəri Roman Pluqin olacağı ehtimal edilir.  Sverdlovsk əyaləti üzrə hazırkı rəis Mixail Borodin regionda stabil vəziyyəti qoruya bilsə də, ekspertlər yeni təyinatdan sonra Uralda kriminal aləmdə yeni dalğalanmanın olacağını bildirirlər. 

“Qafqazinfo” Rusiya KİV-nə istinadən xəbər verir ki, mütəşəkkil cinayətkarlıqla mübarizə üzrə cavabdeh olan şəxslər regionda sakitlik üçün ən böyük təhlükəni Azərbaycandan olan kriminalistlərdən ibarət etnik qruplaşmanı göstərirlər. 

Belə ki, “qanuni oğru” Nadir Səlifovun (“Lotu Quli”) başçılıq etdiyi dəstə xüsusi biznesin və bazarların böyük qisminə nəzarət edir, saxta içki hazırlanması ilə məşğul olur. 

Uralda onun xüsusi adamlarının olduğu, bəzi yerlərdə möhkəmlənə bildikləri deyilir. “Lotu Quli” istənilən halda təhlükəli fiqur sayılır. 

Hüquq-mühafizə orqanlarının əməkdaşlarının sözlərinə görə, əgər Qulinin Rusiyaya gəlmək imkanı yaransa, bu, region üçün böyük riskdir və burada kriminal hadisələrin sərhədi genişlənəcək.