Fərhad Çağtürk / AzEuroNews.com ➤ Yunanıstan Xarici İşlər Nazirliyinə dini məsələlər üzrə təyin olunan katib müzakirəyə səbəb olub. AzEuroNews.com xəbər verir ki, xaric işlər nazirinin müavini  Markos Bolaris özünə dini məsələlər üzrə katib təyin edib. Thomarita Kaladara adlı qadının vəzifəsinə başlayandan sonra sosial şəbəkələrdə açıq-saçıq fotolar paylaşması isə, müxalifətin sərt reaksiyasına səbəb olub. 

Ölkə müxalifəti nazirliyinin dini məsələlər üzrə katibliyinə belə bir şəxsin təyin olunmasına qarşı olduqlarını bəyan edib. 

İstefa ərizəsini yazan T.Kaladari ona qarşı olan təzyiqlərdən bezdiyini söyləyib. Lakin nazirlik onun istefa ərizəsini qəbul etməyib.