Fərhad Çağtürk / AzEuroNews.com ➤ Almaniya dünyada daha bir ilkə imza atıb. AzEuroNews.com xəbər verir ki, Hessen şəhərində dünyada ilk dəfə yük avtmobilləri üçün elektrikli yol çəkilib. “Elisa e-highway” adlı layihə Frankfurtun cənubundan xidmət göstərməyə başlayıb. 

Layihə Almaniyanın Təbiət və Ətraf Mühit Nazirliyinə 14,6 milyon avroya başa gəlib. 

Hələlik 5 kilometlrik bir yolda test edilən bu layihə 2022-ci ilə kimi davam edəcək. Bu müddətdə analizlər toplanacaq. Əgər layihə sınaq müddətindən uğurla keçərsə, yük maşınları üçün elektrikli yollar digər şəhərlərdə də çəkiləcək. Məlumat üçün bildirək ki, layihəyə “Scania”, “Volkswagen” və “Siemens” kimi yük maşını istehsal edən şirkətlər dəstək veriblər.