AzEuroNews.com ► Əfqanıstan Azərbaycana qarpız satacaq. AzEuroNews.com xəbər verir ki, bu barədə Əfqanıstan Ticarət və Sənaye Palatası məlumat yayıb. Məlumatda deyilir ki, birinci mərhələdə Azərbaycana 2 min  ton Əfqanıstan qarpızı ixrac ediləcək. İdarənin açıqlamasında bildirilir ki, dövlət sahibkarlara xarici bazarı açaraq onları meyvə-tərəvəz əkininə təşviq etmək üçün Azərbaycan kimi ölkələrlə danışıqlara başalayıb. 

Danışıqların nəticəsi olaraq Azərbaycan Əfqanıstandan qarpız almağa razılıq verib. İlk mərhələdə Azərbaycana göndəriləcək  qarpızın miqdarı bazarın tələbinə uyun olaraq sonrakı mərhələlərdə artırılacaq. 

Əfqanıstan hökuməti iqtisadi eksperlərlə birgə qərara gəlib ki, bu istiqamətdə çox yaxşı münasibətlərin olduğu Azərbaycan, İran, Türkiyə kimi ölkələrdə marketinq şirkətləri yaradılsın.