Foto © Andreas Praefcke / Wikipedia

AzEuroNews.com  Berlin Məhkəməsi Suriyada üç uşağı ilə İŞİD kampında qalan Almaniya vətəndaşının ölkəyə gətirilməsi ilə bağlı qərar verib. AzEuroNews.com xəbər verir ki, Almaniya vətəndaşı olan qadın İŞİD üzvü ilə evlənib və hazırda Suriyanın El Hol şəhərindəki kampda qalır. 

Qadın keçən il Almaniya Xarici İşlər Nazirliyinə yazılı müraciət edərək ölkəsinə dönmək istədiyini bu istiqamətdə ona kömək edilməsini xahiş edib. 

Lakin Almaniya XİN-i qadının müraciətinə müsbət cavab verməyib. Bundan sonra Almaniyadakı vəkili vasitəsi ilə XİN-ni məhkəməyə verən qadın nəhayət prosesi udub.

İndi Almaniya XİN-i 2, 7 və 8 yaşlı uşaqları ilə birlikdə qadının Almaniyaya gətirilməsini təmin etməlidir.