Bakıda quş ətinin və toyuq yumurtasının qiyməti bahalaşıb. Yerli istehsal olan bu məhsulların yeni qiyməti quşçuluq fabriklərinin öz təşəbbüsüdür.
Belə ki broyler toyuğun qiymətində 50 qəpik, yumurtanın qiyməti isə təxmini 2 qəpik bahalaşma müşahidə olunur. Əvvəllər broyler toyuğun topdansatışı 2.80 manata idisə, hazırda 3.30 manatdır. Yəni, əvvəllər bir kilosu pərakəndə 3 manat satılan toyuğun qiyməti, bu gün 3.50 manat satılır.
Hazırda bir qutu (360 ədəd) yumurtanın topdansatış qiyməti 52 manatdır. Yəni, yumurtanın bir ədədinin topdansatış qiyməti təxmini 15 qəpik edir. Bir ədəd yumurta pərakəndə satışı isə 16 qəpikdir. Bir ay öncə pərakəndə satış 13 qəpik olub.