İŞİD terror qruplaşması Nitsada törədilən terror hücumuna görə məsuliyyəti öz üzərinə götürüb.

“Report” beynəlxalq KİV-ə istinadən xəbər verir ki, terrorçular bunu nəzarətləri altında olan media qurumları vasitəsilə bəyan edib.

Xatırladaq ki, terrorçu yük maşınını yüksək sürətlə Nitsada dəniz sahilində toplaşan izdihamın üzərinə sürüb, nəticədə 84 nəfər həlak olub, yüzlərlə insan yaralanıb. Terror aktının Tunis əsilli fransız Məhəmməd Buhlel tərəfindən törədildiyi bildirilir.