Gəncənin Nizami prospektində ağır yol qəzası baş verib. AzEuroNews.com-un məlumatına görə,  Şəmkir sakini, 24 yaşlı Kənan Veyislinin idarə etdiyi “Kia” və Gəncə sakini, 34 yaşlı Lətif Heydərovun sükanı arxasında olduğu “VAZ 2109” markalı avtomobillər toqquşub. Hadisə zamanı “VAZ”-ın sərnişini – Samux sakini 29 yaşlı Tural Sadıqov dünyasını dəyişib. Onun meyiti müayinə üçün Məhkəmə Tibbi Ekspertiza və Pataloji Anatomiya Birliyinin Gəncə şəhər şöbəsinə aparılıb. Xəsarət alan sürücülər isə, Gəncə şəhər Təcili Tibbi Yardım Xəstəxanasına çatdırılıb. Lətif Heydərovun vəziyyəti ağırdır.

Faktla bağlı araşdırmalara başlanılıb.

gence 1 gence 2