Rusiyanın “Eurovision” Yuliya Samoylovanın yarışmadan uzaqlaşdırılmasından sonra yeni bir iddia ortaya atılıb. 

“Qafqazinfo” xəbər verir ki, Rusiya mətbuatı Krıma gedən “Eurovision” sənətçisinin təkcə Yuliya olmadığını, erməni iştirakçı Artsvikin də orada konsert verdiyini qeyd edib.

Bu səbəbdən Yuliya kimi Artsvik də Ukrayna qaydalarını pozub və yarışmaya buraxılması düzgün deyil.

Mövzu ilə bağlı Ermənistan nümayəndə heyətinin rəhbəri Gohar Gasparyan açıqlama verib:

“Bu şayiələrin ortaya çıxma səbəbini bilmirik. Artsvikin Krımla heç bir əlaqəsi yoxdur. Təmsilçimiz orada konsert verməyib”.

Samoylovanın ölkəyə girişini qadağan edən Ukrayna Təhlükəsizlik Xidməti erməni sənətçi barədə araşdırma apardıqlarını bildirib:

“Bütün sənətçilər barədə araşdırma aparırıq. Ukrayna qaydalarını pozan sənətçi olarsa, yarışmaya buraxılmayacaq. Əgər belə olarsa, Artsvikin ölkəyə girişinə “stop” qoyulacaq”.