Moldova parlamentinin binası qarşısında müxalifətdə olan “Bizim Partiya”nın fəalları deputatların seçilməsi sisteminin dəyişdirilməsinə qarşı piket keririblər.

“Report” TASS-a istinadən xəbər verir ki, etiraz aksiyasının iştirakçıları hakim Moldova Demokratik Partiyasının istefasını tələb ediblər.

Məlumata görə, parlamentdə majoritar seçki sisteminə keçidlə bağlı ictimai müzakirə keçirilir.

Xəbərdə bildirilib ki, bu ilin martında Moldova parlamentində mojaritar sistemə keçidlə bağlı qanun layihəsi qeydə alınıb.

Qeyd edək ki, 1994-cü ildən Moldovoda parlament seçkiləri proporsional sistem üzrə partiya siyahısı ilə keçirilir. Ölkədə növbəti parlament seçkilərinin 2018-ci ildə keçirilməsi planlaşdırılıb.