İranın şimal-qərbində yerləşən kömür mədənində partlayış olub.

AzVision.az “İRNA”ya istinadən xəbər verir ki, bunu Gülüstan ostanın Fövqəladə Hallar İdarəsinin rəhbəri Sadiq Əli Mokaddam deyib. Onun sözlərinə görə, hadisə Azadşəhr şəhəri yaxınlığında baş verib.

“Partlayış nəticəsində 40-50 nəfərin dağıntılar altında qaldığı ehtimal edilir” –deyə, Sadiq Əli Mokaddam bildirib.

Partlayışın hansı səbəbdən baş verdiyi açıqlanmır.

Xilasedicilər dağıntılar altında qalan şəxsləri xilas etmək üçün əməliyyatlara başlayıblar.