Avtomobilini açıq havada park edən sürücülər bu xəbəri oxusun. Çünki qeyd olunan məsələlərə əməl edilmədikdə, avtomobilinizə ciddi şəkildə ziyan dəyə bilər.

Bununla bağlı metbuat.az-a açıqlama verən avtomobil ustası Əli Sultanov bildirib ki, nəqliyyat vasitəsini açıq havada park edən zaman içərisində alışqan, dezodorant və ya digər içərisində sıxılmış qaz olan əşyaları saxlamaq olmaz: “Sözügedən əşyalar qapalı şəraitdə günəş şüalarının təsiri nəticəsində partlayır. Günəş şüaları avtomobilin hər hansı bir hissəsinə zərər yetirmir. Amma yenə də avtomobilini açıq havada park edən sürücülərə günəşdən qoruyucu örtüklərdən istifadə etmələri məsləhət görülür”.