Əməkdar artist Murad Dadaşov “Maşın” şounun növbəti buraxılışına hazırlaşdıqlarını deyib.

AzEuroNews xəbər verir ki, şoumen muztv.az-a açıqlamasında bildirib ki, budəfəki sürət “Xanımlar və cənablar” adlanır:

“Bizi “Qarşıdurma”dan daha da şiddətli bir mübarizələr gözləyir. Növbəti dəfə 18 yuxusuz gecə olacaq. Bu dəfə çox maraqlı bir tərzdə çıxırıq. Oktyabrın 8-dən etibarən başlayacaq. Düşündük ki, hər zaman mübarizələrin bir növ daxilində dayanan bir mübarizə də var ki, bu da qadınlar və kişilər arasındadır. Ona görə də sürətimiz “Maşın: xanımlar və cənablar” adlanır. 18 iştirakçıdan 9-u xanım, 9-u isə kişi olacaq”.

M.Dadaşov seçilən iştirakçılar barəsində də məlumat verib:

“Hər dəfə xanımlar azlıq təşkil edirdi. Bu dəfə dedik ki, bu azlığın qarşısını almaq lazımdır. Həmin şəxslər seçiliblər. Yenilər də var, keçmiş iştirakçılar da var. Bu, həm də yubiley buraxılışdır. Bizi hədiyyə yağışı da gözləyir”.