Mobil cihazların sürətini təhlil edən AnTuTu proqramının yaradıcıları 2017-ci ilin sentyabr ayı üçün dünyanın ən yaxşı smartfonlarının reytinqini açıqlayıb.

Oxu.Az məlumat verir ki, əgər bir ay əvvəl, avqust siyahısında OnePlus 5 və HTC U11 smartfonları liderlik edirdisə, hazırda ilk pillələrdə Apple istehsalı olan  iPhone 8 Plus (217 min xal) və iPhone 8 (209 min xal) qərarlaşıb.

İlk beşliyə həmçinin liderlərdən təxminən 30 min xal geri qalan OnePlus 5, HTC U11 və ZTE nubia Z smartfonları daxil olublar. Sonrakı yerlərdə müvafiq olaraq Samsung Galaxy Note 8, Xiaomi Mi6, Samsung Galaxy S8 və S8+ qərarlaşıb.