“Qara cümə” günündə “Amazon” onlayn satış saytının rəhbəri Cef Bezosun sərvəti 100 milyard dollara çatıb.

Axar.az xəbər verir ki, bu barədə “Blomberq” agentliyi məlumat yayıb. Məlumata görə, “Qara cümə” həmçinin Amazon şirkətinin səhmlərinin dəyərini 2% artırıb.

Qeyd edək ki, bundan öncə yalnız “Maykrasoft”un rəhbəri Bill Qeytsin sərvəti 100 milyard dolları keçə bilib.

“Qara cümə” (Black Friday) — ABŞ-da ənənəvi olaraq ildə bir dəfə keçirilən alış-veriş tədbiridir. Həmin gün məşhur şirkətlər öz məhsullarını 80% güzəştlə satırlar.