“Azərbaycanın hər bir vətəndaşı “vahid pəncərə” prinsipi ilə fəaliyyət göstərən “elektron kabinet”ə sahib olacaq. “E-kabinet” vasitəsi ilə elektron əməliyyatları həyata keçirmək və bütün elektron xidmətlərdən istifadə etmək mümkün olacaq”. AzEuroNews.com xəbər verir ki, bu barədə “Trend”ə Nəqliyyat, Rabitə və Yüksək Texnologiyalar Nazirliyinin İnformasiya-Hesablama Mərkəzindən məlumat verilib.

Mərkəzdən qeyd olunub ki, “Elektron kabinet” “e-id.az” portalında fəaliyyət göstərəcək. Bu portal yeni nəsil şəxsiyyət vəsiqələri verilməyə başlandıqdan sonra istifadyə veriləcək.

Mərkəzdən o da məlumat verilib ki, elektron imzanın şəxsiyyət vəsiqəsinə inteqrasiyası infrastrukturu artıq hazırdır və bu funksiya vətəndaşların “elektron hökumət” portalında (e-gov.az) müxtəlif xidmətlərin, o cümlədən sığorta, internet bankçılıq, elektron ödəmələr kimi xidmətləri əldə etməsi üçün açar rolunu oynayacaq.