Türk televiziya tarixinin ən uzunmüddətli serialı olan “Kurtlar Vadisi” ekranlara qayıdır.

“Ölkə.Az” xəbər verir ki, bu barədə məlumatı Polad Alemdar obrazını ifa edən Necati Şaşmaz verib. Şaşmaz serialın hansı kanalda yayımlanacağını da qısa müddətə açıqlayacağını bildirib.

Necati Şaşmaz bildirib ki, serial 2018-ci ilin fevral ayında “Kurtlar Vadisi Xaos” adı ilə tamaşaçıların qarşısına çıxacaq:

“Ssenarini bitirdik. Fevral ayında televiziyada yayımlanmağa başlayacaq. Yaxın vaxtlarda anons ilə hansı kanalda yayımlanacağı bildiriləcək”.

Necati Şaşmaz deyib: “Bu dəfə xaos teoriyasını müzakirə edəcəyik. Xaos idarəetməsi adlandırılan bir ideologiya var. Bu ideologiyada dünyanı xaosa sürükləyib xaosla idarə etmək nəzərdə tutulub. Serialda Myanmar, Əfqanıstan, Makedoniya və ABŞ-da baş verən hadisələr canlandırılacaq”.

Aktyor bir də hərbi layihənin olduğu barədə məlumat verib: “Bir də hərbi layihəmiz var. İnşallah bu barədə də yaxın vaxtlarda açıqlama verəcəyik”.