BƏƏ prezidenti şeyx Xəlifə bin Zaid Əl Nəhayənin anasının ölümü ilə əlaqədar ölkədə matəm elan edilib.

“Report” xəbər verir ki, bu barədə ölkə başçısının işləri üzrə nazirlik məlumat yayıb.

Prezidentin anası Həssa bin Məhəmməd Əl Nəhayən bu gün vəfat edib. Matəm bu gündən etibarən üç gün davam edəcək.

1948-ci ildə anadan olmuş şeyx Xəlifə bin Zaid Əl Nəhayən 2004-cü ildə prezident olub. O, həmçinin Əbu-Dabi əmirliyinin rəhbəridir.