Suriyanın Hələb şəhərinin Tel Hadiya qəsəbəsi Bəşşar Əsəd rejiminə məxsus hərbi hava qüvvələri tərəfindən hücuma məruz qalıb.

“Report” xəbər verir ki, bu barədə “İhlas” agentliyi məlumat yayıb.

Məlumatda bildirilir ki, bombardmanlar nəticəsində 10 nəfər həlak olub. Hücum nəticəsində habelə çoxlu sayda insan yaralanıb. Yaralılar xəstəxanalara aparılıb.

Bombardmanlar zamanı çoxlu sayda avtomobilə də zərər dəyib.