ABŞ prezidenti Donald Tramp bildirib ki, ABŞ qoşunlarını Suriyadan çıxarmaq və Amerika hərbçilərini vətənə göndərmək niyyətindədir.

“Report”un məlumatına görə, bu barədə “RT” xəbər verib.

Məlumatda bildirilir ki, Ağ Ev rəhbəri Estoniya, Latviya və Litva liderləri ilə görüşünün yekunlarına dair mətbuat konfransında bu haqda bildirib.

“Biz İŞİD-lə mübarizədə böyük uğura nail olduq və mən qoşunları (Suriyadan) çıxarmaq, hərbçiləri evə qaytarmaq istəyirəm”, – deyə Tramp bildirib.

Daha əvvəl mətbuat xəbər verib ki, ABŞ prezidenti Vaşinqtonun Suriyanı bərpa etmək və burada humanitar səylər göstərmək məqsədi ilə 200 milyon dollar ayırmasını əngəlləyib.