“Maşın” realiti şousunda daha bir gün geridə qalıb. Modern.az xəbər verir ki, səsverməyə oyunun gedişində üçüncü dəfə müğənni Roza Zərgərli çıxıb. Oyunun gedişində Roza Zərgərli hədəfinin aparıcı Aytən Səfərova olduğunu bildirib. O, əvvəlcə hədəf kimi Pərvin Abıyeva və Aytən Səfərova arasında qaldığını, sonra isə aparıcını çıxaracağını vurğulayıb.

Səsvermənin sonunda Roza Zərgərli kifayət qədər səs toplayaraq oyunda qalıb.  63,12 faiz səs toplayan Roza Zərgərli şoudan əməkdar artist Rühəngiz Musəvini uzaqlaşdırıb. Müğənni seçimini onunla əsaslandırıb ki, 2 gündür əməkdar artist onu oyundan çıxartsını xahiş edib. Rühəngiz Musəvi nəvələri üçün darıxdığından evə getmək istəyib.

Qeyd edək ki, hazırda şou aparıcı Aytən Səfərova, blogger Hüseyn Əzizoğlu, əməkdar artist Abbas Bağırov, müğənni Roza Zərgərli, Rahidə Baxışova, Uran, aktrisa Pərvin Abıyeva ilə davam edir.