Əfqanıstanın mərkəzində yerləşən Maydan-Vardaq əyalətində radikal “Taliban” hərəkatının silahlıları tərəfindən təşkil edilən hücumda azı iki ABŞ hərbçisi ölüb.

“Report” “İnterfaks”a istinadən xəbər verir ki, əyalət başçısının mətbuat katibi Əbdülrəhman Manqal silahlıların Calrez mahalında ABŞ hərbi bölmələrinin mövqelərinə hücum etdiyini bildirib.

Ə.Manqal qeyd edib ki, bundan sonra ABŞ aviasiyası silahlıların gizləndiyi məktəbi bombalayıb, bina tam dağıdılıb, nəticədə bir neçə silahlı ölüb.