Sahil Babayev / Foto © Report İA
Sahil Babayev / Foto © Report İA

 

Fərhad Çağtürk / AzEuroNews.com ► ► ► Dövlət Sosial Müdafiə Fondunun direktor müavini İqtisadiyyat Nazirliyi yanında Sahibkarlığa Kömək Milli Fondunun icraçı direktoru Şirzad Abdullayevin qardaşı Cavid Abdullayevdir.

Cavid Abdullayev
Cavid Abdullayev

AzEuroNews.com xəbər verir ki, əmək və Əhalinin Sosial Müdafiəsi naziri Sahil Babayevin bu ilin iyununda imzaladığı sərəncamla C.Abdullayev sözü gedən posta gətirilib.

O, buna qədər Qaradağ və Səbail DSMF şöbələrinin müdiri işləyib. Maraqlı nüans budur ki, S.Babayevin vəzifələrə yeni təyin etdiyi kadrların keçmiş fəaliyyəti şəffaf deyil.

Nazir kristal reputasiyaya malik komanda imici formalaşdırmağa cəhd etsə də, təyinatlar haqda dosyelər əksini iddia edir.

Belə ki, vəzifəsini yüksəltdiyi Ş.Abdullayevin qardaşının adı məhkəmə işinə keçir. Ötən il yayılan xəbərlərdə deyilir ki, Cavid Abdullayev Səbail rayon məhkəməsinin qərarını icra etməkdən yayınıb.

Buna görə də barəsində növbəti dəfə, iyulun 3-də Səbail rayon məhkəməsi tərəfindən İnzibati Xətalar Məcəlləsinin 528.1-ci (Məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsi) maddəsi ilə inzibati tənbeh tədbiri tətbiq edilib.

Bu maddə ilə cəzalandırılan şəxslər 1200 manatdan 2500 manatadək məbləğdə cərimələnir. Cavid Abdullayev isə bu məbləği ödəməkdən imtina edib və inzibati tənbeh tədbiri barədə qərardan apellyasiya şikayəti verib.

Daha əvvəl isə DSMF Lənkəran şəhər şöbəsində kadr dəyişikliyi olub. Şöbə müdiri Maarif Bayramov işdən azad edilib.

Onun yerinə təzədən Babək Cəfərov təyinat alıb. B.Cəfərov əvvəl də DSMF müdiri işləyib. Keçmiş nazir Səlim Müslümov onu işdən azad etmişdi.

Yeni nazir Sahil Babayev isə M.Bayramovu vəzifəsindən çıxarıb B.Cəfərovu işinə qaytarıb.

B.Cəfərovun dövründə isə Lənkəranın sahibkarları sosial sığorta ödənişlərində qeyri-rəsmi tələblərlə üz-üzə qalıblar.