Bir qədər əvvəl Türkiyə hökuməti ölkənin yeni iqtisadi proqramını açıqlayıb.

“Report” Türkiyə mətbuatına istinadən xəbər verir ki, proqramın detalları barədə xəzinə və maliyyə naziri Berat Albayrak məlumat verib.

Onun sözlərinə görə, 3 illik proqramda Türkiyə üzrə iqtisadi artım proqnozu azaldılıb, inflyasiya proqnozu isə artırılıb.

Belə ki, iqtisadi artım proqnozu 2018-ci il üçün 5,5%-dən 3,8%-ə, 2019-cu il üçün 5,5%-dən 2,3%-ə 2020-ci il üçün 5,5%-dən 3,5%-ə endirilib.

İnflyasiya proqnozu isə 2018-ci il üçün 7%-dən 20,8%-ə, 2019-cu il üçün 6%-dən 15,9%-ə 2020-ci il üçün isə 5%-dən 9,8%-ə yüksəldilib.