Kriştianu Ronaldu bu ilin sonuna qədər Portuqaliya millisinin oyunlarında iştirak etməyəcək.

“Report” “A Bola” nəşrinə istinadən xəbər verir ki, 33 yaşlı futbolçu bu ilin yayında transfer olduğu İtaliyanın “Yuventus” klubuna daha tez uyğunlaşmaq üçün bu cür qərar qəbul edib.

Portuqaliya millisinin sentyabr ayındakı Millətlər Liqasının görüşləri üçün heyətə daxil edilməyən forvard, oktyabr və noyabr aylarında da komandadan uzaq qalacağı gözlənilir.

Qeyd edək ki, Portuqaliya millisi bu il Millətlər Liqasında Polşa, Şotlandiya və İtaliya yığmaları ilə qarşılaşacaq.